თბილისის საქალაქო სასამართლოში, ბუტა რობაქიძის მკვლელობის საქმეზე მოწმე გიორგი ჭანტურიას ჩვენებას დარბაზში ხმაური მას შემდეგ მოჰყვა,რაც მას ირაკლი ფირცხალავამ კითხვებით მიმართა და უთხრა, რომ სასამართლოს და გამოძიებასაც სხვადასხვა ეტაპზე ცრუ ჩვენებები მისცა.
"ბატონო მოსამართლევ, უნდა დაგანახოთ, რომ ეს მოგონილი ზღაპარია",- ასე აფასებს გიორგი ჭანტურიას ჩვენებას ბრალდებული ირაკლი ფირცხალავა.
"თქვენ იცოდით, რომ ცრუ ჩვენება დანაშაული იყო და მაინც მიეცით? მიმართა კითხვით მოწმე ჭანტურიას ფირცხალავამ, რასაც დარბაზში მყოფმა ია მეტრეველმა განაცხადა, რომ მაშინ ასეთი რეჟიმი იყო, რაზეც გურამ დონაძემ უპასუხა, რომ ასეთი რეჟიმი ახლა არის.
"რეჟიმი რომ იყოს, დიდი ხნის წინ იქნებოდი ციხეში და აქ არ მომიწევდა ყოფნა",-უპასუხა მეტრეველმა.
აღსანიშნავია, რომ მოწმე ჭანტურიამ პროცესზე იმ ფაქტის შესახებ ისაუბრა, რაზეც არცერთ ჩვენებაში უსაუბრია. კერძოდ, თქვა, რომ იარაღის ამოღების პროცესში გადაცემა პატრულის ოპერატორს დაუძახა და სასწარაფოდ იმ კადრები დაფიქსირება უბრძანა, როცა მანქანიდან ნივთმტკიცების სახით იარაღი ამოიღეს.
"ვაღიარებ და წავალ აქედან, დღესვე 20 წელი მომისაჯეთ, თუ ამ კაცის სხვა რომელიმე ჩვენებაში ნახავთ დღევანდელ პროცესზე ნათქვამს, რომ ის "კამერას ეძახდა გადაიღეთო", - დასძინა ფირცხალავამ.
ცნობისთვის, თბილისის საქალაქო სასამართლოში გიორგი ჭანტურიას დაკითხვა კვლავ გრძელდება.
