ახალი სახალხო დამცველი ომბუდსმენის ოფისში დღეს დილით მივიდა. ნინო ლომჯარიას თქმით, სამოქალაქო და პოლიტიკურ უფლებებთან ერთად, ომბუსმენის აპარატის პრიორიტეტი სოციალური უფლებების დაცვაც იქნება.
„სამოქალაქო და პოლიტიკურ უფლებებთან ერთად, ჩემთვის პრიორიტეტი იქნება ასევე, სოციალური და ეკონომიკური უფლებებიც. ვაპირებ, რომ განსაკუთრებით გავაძლიერო ბავშვთა უფლებების მიმართულებით სახალხო დამცველის საქმიანობა, ასევე ქალთა უფლებების დაცვა, შეზღუდული შესაძლებლობის მქონე პირთა უფლებების დაცვა. ასევე ვაპირებ, რომ კიდევ უფრო გაძლიერდეს სახალხო დამცველის მუშაობა მათ შორის, ჯანსაღ გარემოში ცხოვრების უფლებასთან მიმართებით, ასევე დასაქმებულთა უფლებების დაცვა, როგორც ერთ-ერთი პრიორიტეტი საზოგადოებისთვის იქნება ასევე ჩვენთვის ერთ-ერთი მთავარი მიმართულება. ვაპირებ, გავაძლიერო რეგიონალური ოფისების საქმიანობა ასევე, თავად აპარატისთვის შევქმნა ღირსეული სამუშაო პირობები,“-განაცხადა ნინო ლომჯარიამ.
