პარლამენტი, პირველი მოსმენით, ”შრომის უსაფრთხოების შესახებ” კანონპროექტზე მსჯელობს.
აღნიშნული პროექტი სახელმწიფო ორგანოების, დამსაქმებელთა, დასაქმებულთა, დასაქმებულთა წარმომადგენლებისა და სამუშაო სივრცეში მყოფი სხვა პირების უფლებებსა და მოვალეობებს არეგულირებს.
კანონპროექტი, რომელიც მძიმე, მავნე და საშიშპირობებიან სამუშაოებზე შრომის უსაფრთხოების საკითხებს, არსებულ და მოსალოდნელ საფრთხეებს, უბედური შემთხვევებისა და პროფესიული დაავადებების თავიდან აცილებას ეხება, პარლამენტს მთავრობის საპარლამენტო მდივანმა, შალვა თადუმაძემ გააცნო.
"კანონპროექტის ძირითადი არსია, განსაზღვროს შრომის ბაზარზე არსებული საწარმოებისთვის შრომის უსაფრთხოების კუთხით ოპერირების ერთიანი სტანდარტი, გაიმიჯნოს და დაკონკრეტდეს დამსაქმებლისა და დასაქმებულის უფლება-მოვალეობები და ა.შ", - განმარტავენ მთავრობაში და დასძენენ, რომ კანონი არ ვრცელდება შინაგან საქმეთა, თავდაცვის სამინისტროებზე და სახელმწიფო უსაფრთხოების სამსახურზე და მათ დაქვემდებარებაში არსებულ უწყებებზე, ასევე შრომით საქმიანობაზე საგანგებო და საომარი მდგომარეობის დროს.
