გამოაცხადა თუ არა კატალონიამ დამოუკიდებლობა? ამ კითხვაზე პასუხის გასაცემად მადრიდმა ბარსელონას 3 დღიანი ვადა მისცა. ულტიმატუმის ვადა ამოიწურა, თუმცა მადრიდს ჟენერალიტეტისგან პასუხი ჯერ არ მიუღია. კატალონიის ლიდერმა კარლეს პუჩდემონმა ესპანეთის მთავრობას ღია წერილით მიმართა და მოლაპარაკებისკენ მოუწოდა, თუმცა მთავარ კითხვაზე პასუხი არ გაუცია. იმ შემთხვევაში, თუ ბარსელონა დამოუკიდებლობის გამოცხადებას დაადასტურებს, მადრიდი კონსტიტუციის 115-ე მუხლს აამოქმედებს და რეგიონს ავტონომიის სტატუსს ჩამოართმევს.
