ბაღდადი კირკუკზე კონტროლის აღდგენას ცდილობს. ნავთობით მდიდარ ქალაქში ერაყის ხელისუფლებამ სამხედრო ძალის შეყვანა დაიწყო. ოფიციალური ბაღდადის მტკიცებით, სამთავრობო ძალებს ქურთები წინააღმდეგობას ვერ უწევენ, ქურთისტანის უშიშროების საბჭო კი აცხადებს, რომ სახელისუფლო ძალებს ქურთმა მებრძოლებმა 5 ჯავშან-მანქანა გაუნადგურეს. ვრცელდება ინფორმაცია იმის შესახებაც, რომ ერაყის არმიამ კირკუკის ელექტროსადგური დაიკავა და კონტროლი ნავთობის ორ მსხვილ საბადოზე არადგინა.
