შეიძლება მომკლან, მე ამის არ მეშინია, - განაცხადა ხარკოვში გამართულ მიტინგზე საქართველოს ყოფილმა პრეზიდენტმა, ოდესის ყოფილმა გუბერნატორმა მიხეილ სააკაშვილმა.
„მე ზუსტად ვიცი, რომ ხელისუფლება ჩემს მოშორებას შეეცდება. შესაძლოა, დამიჭირონ, ქვეყნიდან გამაძევონ... ან საერთოდ მომკლან, ეს არაა პრობლემა! მე ამის არ მეშინია“, - განაცხადა პარტია „ახალი ძალების“ ლიდერმა
აქციის შემდეგ, სააკაშვილის მომხრეებსა და მოწინააღმდეგეებს შორის შეხლა-შემოხლა მოხდა.
როდესაც მიხეილ სააკაშვილი მანქანისკენ მიემართებოდა, უცნობმა პირმა ხალხში ცრემლსადენი გაზი გაუშვა. ადგილობრივი მედიის ცნობით, გავრცელებული ინფორმაციით, ანტიკორუფციულ აქციას 700-800 ადამიანი ესწრებოდა.
სააკაშვილი 17 ოქტომბერს, კიევში, ფართომასშტაბიან აქციას აანონსებს.
