დღეს კატალონიის რეგიონულ პარლამენტში ჟენერალიტეტის პრეზიდენტის სიტყვით გამოსვლაა დაგეგმილი. კარლეს პუჩდემონი დღეს პირველი ოქტომბრის რეფერენდუმის ოფიციალური შედეგებს გამოაქვეყნებს და მათ საფუძველზე კატალონიის ესპანეთისგან გამოყოფის პროცესის დაწყების შესახებ განცხადებას გააკეთებს. უკვე ცნობილია, რომ რეფერენდუმში მონაწილე კატალონიელთა 90% მა მხარი დამოუკიდებლობას დაუჭირა, თუმცა დამოუკიდებლობის ცალმხრივი წესრიგით გამოცხადებას პარლამენტართა ნაწილი არ ემხრობა. კატალონიის დამოუკიდებლობას 72 დეპუტატი უჭერს მხარს, 63 კი წინააღმდეგია.
