ევროპის საპარლამენტო ასამბლეა დღეს თავმჯდომარის არჩევას მესამედ შეეცდება. აქამდე კანდიდატებმა ხმათა საკმარისი რაოდენობის დაგროვება ვერ შეძლეს. თავმჯდომარის პოსტზე კვიპროსიდან - სტელა კირიაკიდესის და ლიტვიდან - ემანუელ ზინგერსის კანდიდატურებია წარმოდგენილი. ასამბლეის ახალი პრეზიდენტი ფარული კენჭისყრით, ხმათა უმრავლესობით უნდა აირჩიონ. ევროპის საპარლამენტო ასამბლეის პრეზიდენტი პედრო აგრამუნტი თანამდებობიდან 6 ოქტომბერს გადადგა. სკანდალში ის მას შემდეგ გაეხვა, რაც სირიაში რუსეთის დელეგაციასთან ერთად ჩავიდა და ბაშარ ასადს შეხვდა.
