„საკმარისია! დავუბრუნდეთ საღ აზრს!“, „ესპანეთის ერთიანობას კენჭს არ უყრიან! მას იცავენ!“, „გაუმარჯოს ესპანეთს! გაუმარჯოს კატალონიას!“  - ბარსელონას ცენტრში, კატალონისს დამოუკიდებლობის წინააღმდეგ, ფართომასშტაბიანი აქცია მიმდინარეობს.

მიტინგის ორგანიზატორი ასოციაცია „კატალონიის სამოქალაქო საზოგადოებაა“, რომელსაც მხარი კიდევ დაახლოებით 50 სხვადასხვა ორგანიზაციამ დაუჭირა. 

,,ბოლოს მოვუღებთ დამოუკიდებლობისთვის მოძრაობას. არც ერთ კატალონიელს არ მივატოვებთ. კატალონიელები სხვა ესპანელებთან ერთად განაგრძობენ დიადი ქვეყნის მშენებლობას“, - განაცხადა ესპანეთის ჯანდაცვის მინისტრმა დოლორეს მონტსერატმა, რომელიც მარიანო რახოის მთავრობაში ერთადერთი კატალონელია. 

კატალონიის სოციალური პარტიის ორგანიზაციის მდივანმა სალვადორ ილიამ დიალოგისკენ და კატალონიასა და ესპანეთს შორის ახალი ხელშეკრულების დადებისკენ მოუწოდა. 

ესპანეთის ხელისუფლება კატალონიის მთავრობის დათხოვნას არ გამორიცხავს.

1 ოქტომბერს გამართულ რეფერენდუმზე კატალონიელთა 80%-მა ესპანეთიდან გამოყოფას დაუჭირა მხარი