ესპანეთის საკონსტიტუციო სასამართლომ კატალონიის პარლამენტის სხდომა აკრძალა, რომელიც 9 ოქტომბერსაა ჩანიშნული. სხდომაზე რეგიონის დამოუკიდებლობის გამოცხადების პროცედურის დაწყების გადაწყვეტილების მიღება იგეგმება. სასამართლოს შესაბამისი მოთხოვნით კატალონიელმა სოციალისტებმა მიმართეს. სოციალისტური პარტია რეგიონის ესპანეთისგან გამოყოფის წინააღმდეგ გამოდის. მათი მტკიცებით, რეგიონულ პარლამენტში დაგეგმილი კენჭისყრა ესაპანეთის კონსტიტუციას და უმცირესობის წარმომადგენელი დეპუტატების უფლებებს დაარღვევს. 9 ოქტომბერს პარლამენტის სხდომაზე კატალონიის ლიდერი კარლეს პუჩდემონი 1 ოქტომბრის რეფერენდუმის ოფიციალური შედეგების გამოცხადებას გეგმავს.
