პალესტინა ინტერპოლის ოფიციალური წვერი გახდა. გადაწყვეტილება ორგანიზაციის გენერალურ ასამბლეაზე მიიღეს, რომელიც პეკინში გაიმართა. პალსეტინის ავტონომიამ წარმატებას მხოლოდ მესამე მცდელობის შედეგად მიაღწია. ინტერპოლში პალესტინის გაწევრიანება ისრაელმა გააპროტესტა. ისრაელის ხელისუფლება შიშობს, რომ ავტონომიაში ახლა უკვე შეძლებენ ებრაელი პოლიტიკოსების დაკავების ორდერის გაცემას, პალესტინელი ექსტრემისტების ხელში კი შესაძლოა საიდუმლო ინფორმაციაც მოხვდეს. პალესტინასთან ერთად ინტერპოლში სოლომონის კუნძულებიც მიიღეს.
