ფეისბუკი ამერიკის კონგრესს საპრეზიდენტო არჩევნებში რუსეთის ჩარევის შესახებ მონაცემებს მიაწვდის. ამის შესახებ სოციალური ქსელის დამაარსებელი მარკ ცუკერბერგი საკუთარ გვერდზე წერს.
მანამდე გავრცელდა ინფორმაცია იმის შესახებ, რომ რუსმა მომხმარებლებმა ფეისბუკს ფეიკ-აქაუნთებიდან რეკლამა შეუკვეთეს, რომლის მეშვეობითაც ამერიკის საპრეზიდენტო არჩევნებზე გავლენის მოხდენა სურდათ.
„არ მსურს ვინმემ იმისთვის გამოგვიყენოს, რომ ჩვენს დემოკრატიას მიაყენოს დარტყმა. ამიტომ, კონგრესის საგამოძიებო კომიტეტს ჩვენს ხელთ არსებულ ყველა ინფორმაციას მივაწვდით,“-აცხადებს ცუკერბერგი.
