თურქეთის ლიდერს ნიუ-იორკში უსიამოვნო დახვედრა მოუწყვეს. ინციდენტი სასტუმრო „მარიოტ მარქისში“ მოხდა, სადაც ერდოღანი თურქულ-ამერიკული ნაციონალური კომიტეტის მიერ ორგანიზებულ ღონისძიებაზე სიტყვით გამოდიოდა.
რამდენიმე აქტივისტი მისი გამოსვლის ჩაშლას შეეცადა. მათ ერდოღანს ტერორისტი და დიქტატორი უწოდეს. აქტივისტები დარბაზიდან უსაფრთხოების სამსახურის თანამშრომლებმა იძულებით გაიყვანეს.
