კიმ ჩენ ინი გაეროს გენერალურ ასამბლეაზე დონალდ ტრამპის გამოსვლას ჩრდილოეთ კორეისთვის ომის გამოცხადებად აფასებს. ფხენიანის ლიდერის განცხადება სახელმწიფო ტელევიზიამ გაავრცელა.
„რადგანაც ტრამპს მიზნად ჩვენი ქვეყნის განადგურება აქვს დასახული, ჩვენ მივიღებთ ადექვატურ, ისტორიაში აქამდე არნახულ, უმკაცრეს საპასუხო ზომებს. შეშლილ ამერიკელ მოხუცს ცეცხლით მოვარჯულებთ,“- ნათქვამია კიმ ჩენ ინის განცხადებაში.
გაეროს გენერალურ ასამბლეაზე გამოსვლისას დონალდ ტრამპმა ღიად განაცხადა, რომ თუ ფხენიანი ამერიკის ან მისი მოკავშირეების უსაფრთხოებას დაემუქრება, შეერთებული შტატები ჩრდილოეთ კორეას სრულად გაანადგურებს.
