"ქართული ოცნების" წევრისა და პარლამენტის იურიდიულ საკითხთა კომიტეტის თავმჯდომარის, ეკა ბესელიას განცხადებით, არასამთავრობო ორგანიზაციის მიერ მომზადებული ანგარიშის შეფასება დეპუტატების მხრიდან არც უპატივცემულობა და არც დისკრედიტაციის მცდელობა არ არის.
მისივე თქმით, მმართველი გუნდი პატივს სცემს „საერთაშორისო გამჭვირვალობა- საქართველოს“ საქმიანობას, მაგრამ საჭიროა ინფორმაციის ობიექტურად მიწოდება საზოგადოებისთვის.
„პირიქით, ყურადღებით ვუსმენთ და ვეცნობით ხოლმე მათ მონაცემებს, ძალიან ხშირად საყურადღებოა მათი მონაცემები, თუმცა ეს არ არის ეს შემთხვევა. იყო სხვა შემთხვევებიც, როდესაც არასწორი, არაზუსტი და არარეალური ინფორმაცია გავრცელდა. ყველას ვერ ჩამოვთვლი, მაგრამ ბევრი შემთხვევა აღმოჩნდა ამ ჩამონათვალში, სადაც რეალობას ასცდა ის ფაქტები, რაც გამოქვეყნდა. მაგალითად გედევან ფოფხაძეზეც არის იქ ინფორმაცია, რაც აბსოლუტურად არარეალურა. არის სხვა შემთხვევებიც, სადაც ფაქტები აბსოლუტურად არ შეესაბამება რეალობას. საუბარია იმაზე, რომ მაქსიმალურად გადამოწმდეს ინფორმაციები, ვიდრე საჯაროდ გაცხადდება“,- განმარტა ეკა ბესელიამ.
შეგახსენებთ, 19 სექტემბერს „საერთაშორისო გამჭვირვალობა - საქართველომ “კვლევის შედეგები გამოაქვეყნა, რომელშიც საუბარია პარლამენტის წევრების შეუთავსებელ საქმიანობაზე.
