„ნაციონალური მოძრაობის“ წევრ რომან გოცირიძის განცხადებით, ვერცერთი პოლიტიკოსი და ოლიგარქი ვერ წავა ხალხის ნების წინააღმდეგ.
მისივე თქმით, სააკაშვილის წინააღმდეგ ყველა საქმე არის შეთითხნილი.
მისივე თქმით, მიხეილ სააკაშვილს აქვს უზარმაზარი მხარდაჭერა და ქვეყნის ბედის განმსაზღვრელი არის ხალხი და არა ფული ან პოლიტიკური, ორგანიზებული ძალა.
„საქართველოს მხრიდან სააკაშვილის ექსტრადირების სურვილი არის სასაცილო, ეს არის მუქარა, რომელიც მომხრეების გასამხნევებლად არის გამიზნული. განსაკუთრებით გუშინდელი დღის შემდეგ, როდესაც იგრძნეს რეალური ძალა. თუ მოხდა რაღაც სასწაული, მიხეილ სააკაშვილი ჩამოვიდა საქართველოში, მას უნდა მიეცეს თავისუფლად სასამართლოში უფლებების დაცვის შესაძლებლობა. უნდა შეწყდეს უკანონო დევნა, უნდა აღუდგეს მოქალაქეობა და არც კი უნდა იფიქრონ წინასწარ პატიმრობაზე.“,- განაცხადა გოცირიძემ.
დრომ აჩვენა, რომ მიხეილ სააკაშვილს ვერ მოუძებნეს სერიოზული დანაშაული და ედავებიან სასაცილო ბრალდებებს. მის მიმართ ძალადობრივი სანქციის გამოყენება ნიშნავს, რომ საქართველოს ხელისუფლება პირველ რიგში საფრთხეს საკუთარ თავს შეუქმნის. ვერასდროს გაბედავენ სააკაშვილის წინააღმდეგ რაიმე ისეთი ზომების გამოყენებას, რაც საზოგადოებაში საყოველთაო აღშფოთებას გამოიწვევს“,- განაცხადა გოცირიძემ.
