ყველა, ვინც უკანონოდ გადმოკვეთა უკრაინის საზვარი, მათ შორის მიხეილ სააკაშვილი, უნდა გამოცხადდნენ საკონტროლო გამშვებ პუნქტ შეგინიში, სახელწიფო საემიგრაციო სამსახურში დოკუმენტების გასაფორმებლად- ამის შესახებ უკრაინის შს მინისტრი "ფეისბუქის" საკუთარ გვერდზე წერს.
"საღამოს ჩვენ აღარ გადაგვისროლია პოლიციის ქვედანაყოფები კრაკოვეციდან შეგინიში, რადგან კრაკოვეცში დაპირისპირებულ ადამიანებს შორის კონფლიქტის გაჩაღების ალბათობა დიდი იყო. მთელი ის პერიოდი, როდესაც სააკაშვილი მეგობრებთან ერთად საზრღვართან აქეთ -იქით დადიოდა, მატარებლის იდიოტური ისტორიით და "გარღვევის" სხვადსხვა მარშუტებით- მხოლოდ ერთ რამეზე ვდარდობდი-ძალადობრივ პროვოკაციაზე და მე აპარტიდის სტატუსი ნაკლებად მაღელვებდა. მის ამბავს სასამართლო გაარკვევს. ჩემთვის მთავარი იყო არ დამეშვა ძალისმიერი დაპირისპირება და სისხლისღვრა. პროვოკაცია მაინც შედგა, თუმცა სისხლი არ დაღვრილა და ეს კარგი. თუმცა ამის ფასი ძალიან მაღალია" წერს ავაკოვი. მისივე თქმით, საზღვარზე შეჭრა ინსტიტუციონალიზმის მოშლაა.
"ეს ფუნდამენტის მოშლაა. იმ ფუნდამენტის, რომელზეც ვაშენებთ ქვეყანას. მიუხედავად ამა თუ იმ პოლიტიკური ჯგუფისა და ხელისუფლებისა. თუ ეს ფუნდამენტი ნებისმიერი მიზეზით მოირღვევა, ჩვენ სახელმწიფო აღარ ვიქნებით. ვიქნებით ადამიანების ჯოგი, რომლებიც უნიჭოდ ცხოვრობენ რაღაც ტერიტორიაზე. ამ შემთხვევაში მხოლოდ დროის ამბავი იქნება როდის ისარგებლებენ ამით რუსი შოვინისტები ან ევროპელი ნაციონალისტები" - წერს ავაკოვი.
მისივე თქმით, საზღვრის შტურმით აღება უკანონო იყო, რომლის დროსაც "გახარებულმა დეპუტატებმა" ქვეყანაში უკანონოდ 40 ადამიანი მოიყვანეს, მათ შორის მიხეილ სააკაშვილი და მისი მეგობრები. ავაკოვის ინფორმაციით, შტურმის დროს დავშადა 16 სამართალდამცავი.