მე კიდევ უფრო მიკვირს იმ ადამიანების, რომლებიც ამ ფენომენს ამდენი ხანი აკვირდებიან და ვერ ხვდებიან რაშია საქმე, მე მგონი, ჩვენ მას [მიხეილ სააკაშვილს] უბრალოდ თავი უნდა დავანებოთ, - ამის შესახებ "შენების მოძრაობის" ლიდერმა დავით უსუფაშვილმა ჟურნალისტებს განუაცხადა.
მისი თქმით, ვიდრე მასზე ვსაუბრობთ, სიუჟეტებს ვამზადებთ, კომენტარებს ვაკეთებთ, ეს სწორედ მის ავანტიურიზმს კვებავს და ახალ-ახალ სიურპრიზებს მოამზადებს.
"საკმაოდ სახიფათო საკითხებთან გვაქვს საქმე და მე ვისურვებდი, რომ ამ საქმეს საქართველოს მთავრობა მეტი თანმიმდევრულობით და კეთილგონიერებით ეპყრობოდეს. მე არ ვისურვებდი, რომ ვინმეს თავში ახლა ისეთი აზრები ჩნდებოდეს, რომ რა კარგი იქნება თუ არჩევნებზე ისევ სააკაშვილის კარტს გავათამაშებთ, როგორც 2016 წელს იყო. მაშინ თუ გვირაბით შემოდიოდა, ახლა ალბათ დრონით უნდა გადმოხტეს საზღვარზე საიდანმე",- აღნიშნა უსუფაშვილმა.