საქართველოს ყოფილი პრეზიდენტის მიხეილ სააკაშვილის განცხადებით, არჩევნებით ხელისუფლების შეცვლა იქნება შეუძლებელი. ოდესის ყოფილმა გუბერნატორმა ,,რუსთავი 2” - თან ინტერვიუში აღნიშნა, რომ ასეთ შემთხვევაში ხალხი იღებს გადაწყვეტილებას.
,,იღებენ კონსტიტუციას, რომლის მიხედვითაც არჩევნებით ხელისუფლების შეცვლა იქნება შეუძლებელი. ისინი ხალხს ეუბნებიან, რომ დაივიწყეთ, ყოველთვის გიყიდით, ყოველთვის გავაყალბებ, ხელისუფლებას არჩევნებით თქვენ ვეღარ შეცვლით. ეს არ ნიშნავს, რომ ხალხი არ შეცვლის ხელისუფლებას. თუ არჩევნებით ვერ შევცვლით, როცა ხალხს აღარ უტოვებენ სხვა არჩევანს, მერე ხალხი იღებს გადაწყვეტილებას“, - განაცხადა სააკაშვილმა.