თუ გამოცხადდება თავისი ნებით, ეს იქნება გაცილებით უკეთესი იმისთვის, რომ სამართლიანობა იყოს და სასამართლო იყოს სამართლიანი, - ამის შესახებ ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების მინისტრმა სოზარ სუბარმა საქართველოს ექს-პრეზიდენტის, მიხეილ სააკაშვილის ექსტრადირების საკითხზე საუბრისას განაცხადა.
მისი თქმით, ეს უკეთესია მისი დაცვისთვისაც, გამოძიებისთვისაც და კითხვებსაც გაეცემა პასუხები.
“4 სისხლის სამართლის საქმე არის აღძრული და ოთხივეზე მიდის გამოძიება. ზოგადად, ძალიან კარგია, რომ როცა ადამიანი, რომელზეც მიდის გამოძიება და სასამართლოში მიდის პროცესი, თავად დაესწრება პროცესს. ეს უკეთესია მისი დაცვისთვისაც, გამოძიებისთვისაც და კითხვებსაც გაეცემა პასუხები. ასე რომ, თუ გამოცხადდება თავისი ნებით, ეს იქნება გაცილებით უკეთესი იმისთვის, რომ სამართლიანობა იყოს და სასამართლო იყოს სამართლიანი. რაც შეეხება საქართველოს პოზიციას, რა თქმა უნდა, როდესაც ადამიანზე არის საქმე აღძრული და მის მიმართ არის გამოცხადებული ძებნა, ეს არის ჩვეულებრივი პროცესი და ამაში განსაკუთრებული არაფერია“, - განაცხადა სოზარ სუბარმა.
