"პარლამენტის შენობა და მისი ტერიტორია მოსაწესრიგებელია", - ამის შესახებ საქართველოს პარლამენტის თავმჯდომარემ ირაკლი კობახიძემ განაცხადა.
კობახიძემ ხაზინადართა საბჭოს დაავალა შესაბამისი საკითხზე მუშაობა დაიწყოს.
„პარლამენტის შენობა რეაბილიტაციას საჭიროებს. როგორც მოგეხსენებათ, არსებული გადახურვა წყალს ატარებს. ასევე შესაცველია, მიზანშეწონილია, მთლიანად შუშის კონსტრუქციის შეცვლა. პრობლემაა, რომ შუშის კონსტრუქცია წყალს ატარებს და არსებული კონსტრუქციის პირობებში, ტემპერატურას ვერ ვარეგულირებთ. აქაც რეაბილიტაციის საჭიროება გვაქვს. რეაბილიტაციას საჭიროებს შენობის მიმდებარე ტერიტორია, მათ შორის ავტოსადგომია მოსაწყობი. ტერიტორიის მოწესრიგება აუცილებელია. შეგვიძლია, პარკი მოვაწყოთ, რაც ქუთაისში მოსახლეობისთვის ერთგვარი საჩუქარი იქნება გამომდინარე იქედან, რომ ეს პარკი საყოველთაო მოხმარებისთვის იქნება განკუთვნილი. ამ საკითხზე მუშაობა დაწყებული გვაქვს და ხაზინადართა საბჭოს ვთხოვთ, ამ საკითხზე მუშაობა დაიწყოს“, - დასძინა კობახიძემ.
