დღეს დაცვის მხარემ მტკიცებულების სახით მხოლოდ ჯანმრთელობის ცნობა წარმოადგინა, ეს არ ადასტურებს იმას, ჩაიდინა თუ არა ოთარ აბესაძემ დანაშაული, - ამის შესახებ ჟურნალისტებს ოთარ აბესაძის საქმის პროკურორმა ირაკლი მარშანიამ განუცხადა.
მისი თქმით, სასამართლომ აღკვეთის ღონისძიებად პატიმრობა ძალაში დატოვა.
"მოსამართლემ განმარტა რომ ბრალდების მიერ წარდგენილი მტკიცებულებებიდან გამომდინარე, მოცემულ საქმეზე ალბათობის მაღალი ხარისხით გამამტყუნებელი განაჩენი დადგება და არსებითად განსახილველად გადასცა სხვა სასამართლო შემადგენლობას. რაც შეეხება აღკვეთის ღონისძიებას პატიმრობას, ძალაში დატოვა. დაცვის მხარეს არც გამოძიების დროს და არც წინასასამართლო სხდომების დროს რაიმე ახალი მტკიცებულება არ წარმოუდგენია", - განაცხადა ირაკლი მარშანიამ.
ცნობისთვის, შემდეგი სასამართლო სხდომა 19 სექტემბერს გაიმართება.