პროკურატურა იგივე პოზიციაზე რჩება, მისთვის შეფარდებული აღკვეთის ღონისძიება პატიმრობა ძალაში უნდა დარჩეს, - ამის შესახებ ჟურნალისტებს ოთარ აბესაძის საქმის პროკურორმა ირაკლი მარშანიამ განუცხადა.
მისი თქმით, მოცემულ საკითხზე დასაკითხია მთელი რიგი მოწმეები, რომელთაც ოთარ აბესაძე კარგად იცნობს, შესაბამისად არსებობს დასაბუთებული ვარაუდი რომ ის თავისუფლებაში ყოფნის შემთხვევაში მოწმეზე ზემოქმედებას მოახდენს და სასამართლოსთვის, მისთვის სასურველ ჩვენებას მიაცემინებს.
"მოგეხსენებათ, წინა სხდომაზე მოსამართლემ მიიჩნია, რომ ბრალდების მხარის მიერ მტკიცებულებები კანონიერად იქნა მოპოვებული. დღეს მოსამართლე განიხილავს საკითხს, საკმარისია თუ არა ეს კანონიერად მოპოვებული იმისათვის რომ საქმე სხვა სასამართლო შემადგენლობას უკვე არსებითად განსახილველად, გარდა ამისა დაცვის მხარეს ექნება შესაძლებლობა წარმოადგინოს დამატებით მტკიცებულებები. თუმცა, აქვე განვამარტავ რომ არც გამოძიების დროს და არც წინა სხდომების დროს დაცვის მხარეს არანაირი მტკიცებულება წარმოუდგენია. წარმოვადგენთ მტკიცებულებებს, ეს არის მოწმის ჩვენებები და აუდიო-ვიდეო ჩანაწერები, სადაც პირდაპირ ჩანს და დასტურდება რომ ოთარ აბესაძე მოქალაქეს ქრთამის სახით გამოართქვა ფულადი თანხა. მოგეხსენებათ, რამდენიმე დღის წინ სასამართლომ ძალაში დატოვა შეფარდებული აღკვეთი ღონისძიება პატიმრობა. დღეს თუ რა მტკიცებულებას წარმოადგენს დაცვის მხარე, არ ვიცით, ამიტომ წინასწარ ვერ ვისაუბრებ. პროკურატურა იგივე პოზიციაზე რჩება, მისთვის შეფარდებული აღკვეთის ღონისძიება პატიმრობა ძალაში უნდა დარჩეს. ამის მიზეზი გახლავთ ის, რომ მოცემულ საკითხზე დასაკითხია მთელი რიგი მოწმეები, რომელთაც ოთარ აბესაძე კარგად იცნობს, შესაბამისად არსებობს დასაბუთებული ვარაუდი რომ ის თავისუფლებაში ყოფნის შემთხვევაში მოწმეზე ზემოქმედებას მოახდენს და სასამართლოსთვის, მისთვის სასურველ ჩვენებას მიაცემინებს. გარდა ამისა, ბრალის დადასტურების შემთხვევაში სასჯელის სახით, უალტერნატივოდ გამოიყენება პატიმრობა. აღნიშნულიდან გამომდინარე მოწმის მიმალვის საფრთხე არსებობს. სწორედ ამ გარემოებებიდან გამომდინარე იმსჯელა მოსამართლემ და განაცხადა რომ ოთარ აბესაძე პატიმრობაში უნდა დარჩეს", - განაცხადა ირაკლი მარშანიამ.