მამაოს გავამხნევებდი და ვეტყოდი, რომ ბოლო სიტყვა ღმერთს ეკუთვნის, - ამის შესახებ მარტვილის წმინდა ნინოს მონასტრის წინამძღვარმა, დედა თამარმა განაცხადა, რითაც დეკანოზ გიორგი მამალაძისთვის გამამტყუნებელი განაჩენის გამოცხადებას გამოეხმაურა.
მისივე თქმით, დღევანდელ პროცესს აუცილებლად უნდა დასწრებოდა მიტროპოლიტი დიმიტრი.
„სასულიერო პირი, რომელიც თვითონ ეკლესიამ და სახელმწიფომ გაწირა - რა მოლოდინი უნდა მქონოდა სხვა? უბრალოდ რაღაც ძალიან პატარა იმედი მქონდა, გუშინდელი დღის მერე, რომ მოსამართლე დაფიქრდებოდა ამ ყველაფერზე. ჩემთვის ყოვლად მიუღებელია, რომ მოძღვარმა არ მოინახულოს თავისი სულიერი შვილი. მეუფე დიმიტრი აუცილებლად აქ უნდა ყოფილიყო, ახლა და მანამდეც უნდა მოენახულებინა“, - განაცხადა დედა თამარმა.
მისივე თქმით, საშუალება რომ ჰქონდეს, მამაოს გაამხნევებდა.
,,თვითონ მოსამართლე საუბრობდა ისეთ ტონალობაში, რომ დარბაზში არ ისმოდა არაფერი და ჩვენთვის გაუგებარი ტექსტი წაიკითხა. რომ მქონდეს საშუალება, მამაოს რაღაცნაირად გავამხნევებდი, რომ უფალი მეფობს და ბოლო სიტყვა ღმერთ ეკუთვნის,“ - განაცხადა დედა თამარმა.
დეკანოზ გიორგი მამალაძეს 9 წლით თავისუფლების აღკვეთა მიესაჯა.