ბესიკ ბუგიანიშვილი არის "ქართული ოცნების" და ბიძინა ივანიშვილის მონა, - ასე გამოეხმაურა დეკანოზ გიორგი მამალაძის ძმა, თორნიკე მამალაძე სასამართლოს გადაწყვეტილებას, რის თანახმადაც, დეკანოზს 9 წლით თავისუფლების აღკვეთა მიესაჯა.
როგორც "ჯი-ეიჩ-ენ"-თან საუბარში დეკანოზის ძმამ განაცხადა, აღნიშნულ გადაწყვეტილებას ისინი გაასაჩივრებენ და ბოლომდე იბრძოლებენ.
რაც შეეხება იმას, თუ რატომ ფიქრობს რომ მოსამართლემ გადაწყვეტილება ბიძინა ივანიშვილის დავალებით მიიღო, დეკანოზის ძმა აცხადებს რომ ბუგიანიშვილის ისტორიას უნდა გადავხედოთ და მივხვდებით.
"ბუგიანიშვილის ისტორიას გადახედეთ და მიხვდებით. სასამართლო სხდომები დახურეს იმის გამო რომ რაც უნდოდათ ის გადაწყვეტილება მიეღოთ", - განაცხადა თორნიკე მამალაძემ, რომელმაც აქვე აღნიშნა, რომ მას გამამართლებელი განაჩენის იმედი ჰქონდა.
ცნობისთვის, განაჩენის გამოცხადების შემდემ სასამართლო სხდომა დეკანოზის ოჯახმა ხმაურით დატოვა.