დაცვის მხარემ დაგვიაანონსა, რომ ის ერთხელ და სამუდამოდ დაარღვევდა დუმულს და სიმართლეს იტყოდა, თუმცა დღეს კიდევ ერთი მტკნარი სიცრუე მოვისმინეთ ბრალდებულის მხრიდან, - ამის შესახებ ე.წ. ციანიდის საქმის პროკურორმა ზვიად გუბელაძემ სასამართლო პროცესის შემდეგ განაცხადა.
მისი თქმით, დეკანოზმა ისაუბრა, რომ დაკითხვის მიმდინარეობისას მასზე გამომძიბლების მხრიდან ხორციელდებოდა ზეწოლა, თუმცა ფაქტი ერთია - დაკითხვას მისი სამი ადვოკატი ესწრებოდა და დაკითხვის ოქმში არანაირი შენიშვნა არ არის მითითული, რომ მასზე ზეწოლა მიმდინარეობდა.
"სასამართლომ მოისმინა დასკვნითი სიტყვა, რეპლიკები, ბრალდებულის საბოლოო სიტყვა. ჩვენ სასამართლოში წარვადგინეთ უტყუარი მტკიცებულებები და გვაქვს მოლოდინი რომ მოსამართლე ერთადერთ და სწორ გადაწყვეტილებას მიიღებს. გიორგი მამალაძე დამნაშავედ უნდა სცნონ, როგორც ანგარებით, განზრახ მკვლელობის მომზადებაში, ასევე ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვაში. რაც შეეხება ბრალდებულის საბოლოო სიტყვას, დაცვის მხარემ დაგვიაანონსა, რომ ის ერთხელ და სამუდამოდ დაარღვევდა დუმულს და სიმართლეს იტყოდა, თუმცა დღეს კიდევ ერთი მტკნარი სიცრუე მოვისმინეთ ბრალდებულის მხრიდან, ის კიდევ ერთხელ გვიმტკიცებდა, რომ თითქოს შორენა თეთრუაშვილთან კარგი ურთიერთობა ჰქონდა და მის მკლელობას არ განიზრახავდა. გვესაუბრებოდა, რომ დაკითხვის მიმდინარეობისას მასზე გამომძიბლების მხრიდან ხორციელდებოდა ზეწოლა, თუმცა ფაქტი ერთია - დაკითხვას მისი სამი ადვოკატი ესწრებოდა და დაკითხვის ოქმში არანაირი შენიშვნა არ არის მითითული, რომ მასზე ზეწოლა მიმდინარეობდა და რაც ყველაზე მთავარია, დაკითხვის ამსახველი სრული აუდიო-ვიდეო არსებობს, სადაც მასზე არანაირი ზეწოლა არ ხორციელდება. ამის მიუხედავად დაცვის მხარეც და ბრალდებულის ცდილობენ თავი მსხვერპლის როლში წარმოაჩინონ და ისინი არაერთ სიცრუეს კადრულობენ", - განაცხადა ზვიად გუბელაძემ.