რაც დეკანოზი დირექტორად დაინიშნა, კლინიკის ვალი ერთ წელიწადში 800 000-ით შემცირდა, - ამის შესახებ დეკანოზ გიორგი მამალაძის ადვოკატმა მია ზოიძემ თბილისის საქალაქო სასამართლოში "ჯი-ეიჩ-ენ"-ს განუცხადა.
მისი თქმით, დეკანოზის მოტივი თანამდებობაზე ყოფნა და სარგებლის მიღება არ ყოფილა, რაც ანგარების მოტივს გამორიცხავს.
"დეკანოზი მამალაძე სათითაოდ, პუნქტობრივად აბათილებს ბრალდების სიტყვაში რაც ითქვა. მაგალითად, აეროპორტის უსაფრთხოების სამსახურის თანამშრომლების ერთმანეთის საწინააღმდეგო ჩვენებებზე საუბრობს. უფროსი ამბობდა, რომ ბარგის გახსნა მათ აეროპორტში არ შეეძლოთ და რომ არ აქვთ ამის საშუალებები. მეორე თანამშრომელმა კი თქვა რომ მათ აქვთ უნივერსალური გასაღები და სპეციალური ჯგუფი არაა გამოსაძახებელი, ასეთ შემთხვევაში ბარგს ხსნიან. ის ასევე საუბრობს კლინიკაზე, დეკანოზის თქმით, რაც ის კლინიკაში სამუშაოდ მივიდა, ხელფასი სამჯერ შეიმცირა, ანუ ანგარების მოტივი სად იყო? მას ასევე განცხადება ჰქონდა დაწერილი, რომ დირექტორის თანამდებობიდან წასვლა სურდა. ეს პროკურატურამ საქმეშიც წარადგინა. მისი მოტივი თანამდებობაზე ყოფნა და სარგებლის მიღება არ ყოფილა, რაც ანგარების მოტივს გამორიცხავს. მის მიერ მოზიდული გრანტებით შეიძინა საწოლები, რომელიც მისი დაკავების შემდეგ ჩამოვიდა. რაც მამაო დირექტორად დაინიშნა, კლინიკის ვალი ერთ წელიწადში 800 000-ით შემცირდა", - განაცხადა დეკანოზის ადვოკატმა მია ზოიძემ.
ცნობისთვის, ამ წუთებში, დეკანოზი მამალაძე თავის საბოლოო სიტყვას ამბობს.