ამ წუთებში, თბილისის საქალაქო სასამართლოში ე.წ. ციანიდის საქმეზე დაცვის მხარემ დასკვნითი სიტყვის წარმოთქმა დაასრულა.
როგორც დეკანოზი გიორგი მამალაძის ადვოკატმა გიორგი ფანცულაიამ ჟურნალისტებს განუცხადა, მოსამათლემ თავიდან-ბოლომდე დაინახა, რომ შეუძლებელია ამ საქმეზე გამამართლებელი განაჩენი არ დადგეს
"6-ვე ადვოკატმა ჩვენი დასკვნითი სიტყვა წარმოვთქვით, ახლა გამოცხადებულია შესვენება, შესვენების შემდეგ ბრალდების მხარე რეპლიკებით გვიპასუხებს, რადგან მათ თავიანთი დასკვნითი სიტყვა ნათქვამი აქვთ. შემდეგ ჩვენ მოკლე რეპლიკით ვუპასუხებთ, ამის შემდეგ დეკანოზი გიორგი მამალაძე საბოლოო სიტყვას იტყვის. წესით და რიგით, საბოლოო სიტყვის დასრულება დღეს მოესწროს. თუ დღეს მოესწრო, ამის შემდეგ მოსამართლე კონკრეტულ თარიღს გამოაცხადებს, თუ როდის გამოიტანს განაჩენს. მოსამათლემ თავიდან-ბოლომდე დაინახა, რომ შეუძლებელია ამ საქმეზე გამამართლებელი განაჩენი არ დადგეს", - განაცხადა გიორგი ფანცულაიამ.