ისე გამოვიდა რომ მდგომარეობა დამიმძიმდა, არადა მსუბუქი სანქცია უნდა ყოფილიყო, - ამის შესახებ ნარკოდანაშულში ბრალდებულმა ბექა წიქარიშვილმა განაცხადა.
როგორც მან ჟურნალისტებთან საუბრისას აღნიშნა, თბილისის საქალაქო სასამართლოს მიერ გამოტანილ განაჩენს სასჯელის ნაწილში გაასაჩივრებს.
"თუკი ბრალდების განმავლობაში რამდენჯერმე შეიცვლება კანონი, ბრალდებული ყველაზე მსუბუქი კანონით უნდა გასამართლდეს. მოსამართლეს განაჩენი ახალი პრაქტიკით არ უნდა გამოეტანა. ისე გამოვიდა რომ მდგომარეობა დამიმძიმდა, არადა მსუბუქი სანქცია უნდა ყოფილიყო. სააპელაციო სასამართლოში სასჯელის ნაწილს აუცილებლად გავასაჩივრებთ, როგორც კი განაჩენი ჩაგვბარდება", - განაცხადა ბექა წიქარიშვილმა.