„ეს არის ტყუილი და ცილისწამება“, - ასე ეხმაურება ბორჯომის გამგებელი, დიმიტრი ყიფიანი მისი მისამართით გაჟღერებულ ბრალდებას „ჯი-ეიჩ-ენ-თან“ საუბარში.
"მე გავაჩინე ხანძარი? ეს არის ტყუილი და ცილისწამება. ვერანაირ კომენტარს, ამასთან დაკავშირებით, ვერ გავაკეთებ, ამ ცრუ განცხადებაზე პასუხი თვითონ აგოს“, - აცხადებს „ჯი-ეიჩ-ენ-თან“ დიმიტრი ყიფიანი.
შეგახსენებთ, რომ ბორჯომში მცხოვრები მოქალაქის, პაატა ჯავახიძის მტკიცებით, ის ყიფიანის სატელეფონო საუბარს შეესწრო, რომლის თანახმადაც, „ცეცხლი მეტი საჭირო არ იყო და ისიც, რაც იყო, ზედმეტი მოუვიდათ“.
დიმიტრი ყიფიანი საგამოძიებო უწყებაში ჯერ არ დაუბარებიათ. გუშინ კი, პატაა ჯავახიძე სამართალდამცავებს რამდენიმე საათის განმავლობაში ჩვენებას აძლევდა.