მისი [მიხეილ სააკაშვილის] გრძელვადიანი პერსპექტივები დიდად სახარბიელო არაა, - ამის შესახებ პოლიტოლოგი გია ნოდია Facebook-ის პირად გვერდზე წერს.
მისი თქმით, ზღაპარია, რომ მიშა უკრანიაში დაბრუნდება.
"პოროშენკომ ერთი მხრივ კარგი გაუკეთა სააკაშვილს: თავი შეირცხვინა და ის მორალურ პიედესტალზე დააყენა. ყველა შეფასებით, სააკაშვილის კარიერა უკრაინაში უპერსპექტივო იყო, მის პარტიას 2-პროცენტიანი რეიტინგი ჰქონდა, ბევრი თავდაპირველი მოკავშირე გადაიკიდა. პოროშენკოს უგვანო ნაბიჯმა კი დაადასტურა, რომ სააკაშვილი თურმე მნიშვნელოვანი ფიგურა და მისი განსაკუთრებით სახიფათო მოწინააღმდეგე ყოფილა. ზღაპარია, რომ მიშა უკრანიაში დაბრუნდება, მაგრამ თამაშიდან ღირსეული გასვლის საშუალება კი მიეცა. პოროშენკომ სახე დაკარგა, მიშამ კი შეინარჩუნა. თუმცა მისი გრძელვადიანი პერსპექტივები დიდად სახარბიელო არაა", - აღნიშნავს გია ნოდია.
