შეერთებული შტატები რუსეთის მიერ ქართული ტერიტორიის ოკუპაციას გმობს. ამის შესახებ საქართველოში ოფიციალური ვიზიტით მყოფი ამერიკის ვიცეპრეზიდენტი სოციალურ ქსელ ტვიტერში წერს.
„40 მილში იმ ადგილიდან, სადაც ვიმყოფებით, რუსული ტანკები დგანან. რუსეთს ოკუპირებული აქვს ქართული რეგიონი- სამხრეთ ოსეთი. რუსეთი აგრძელებს საქართველოს ტერიტორიის ერთი-მეხუთედის ოკუპაციას. იმისათვის, რომ ცხადი იყოს ყველასთვის, ვაცხადებ, რომ შეერთებული შტატები მკაცრად გმობს რუსულ ოკუპაციას,"-წერს პენსი.
