“საქართველო ვერ იქნება ვერც დაცული და ვერც დემოკრატიული, თუ არ იქნა ეკონომიკურად ძლიერი”, - ამის შესახებ ”შენების მოძრაობის” დამფუძნებელმა და თავმჯდომარემ, დავით უსუფაშვილმა ამერიკის ვიცე პრეზიდენტ მაიკ პენსსთან შეხვედრის დეტალებზე საუბრისას განაცხადა.
როგორც უსუფაშვილი აღნიშნავს, ერთ-ერთი საკითხი, რაზეც მათ ისაუბრეს, დემოკრატიული სტანდარტების დაცვას შეეხებოდა.
“საუბრები იმაზე, რომ საქართველო ქრება დემოკრატიული სამყაროს რადარებიდან, საუბრები იმის თაობაზე, რომ რუსეთთან ურთიერთობის კონტექსტში შესაძლოა, ამერიკის შეერთებულმა შტატებმა საქართველოსადმი ყურადღება შეასუსტოს, ან პოზიციები შეარბილოს, ეს არის აბსოლუტურად უსაფუძვლო. საქართველო ვერ იქნება ვერც დაცული და ვერც დემოკრატიული, თუ საქართველო არ იქნა ეკონომიკურად ძლიერი. დემოკრატიული სტანდარტების დაცვაზე რა თქმა უნდა, ძალიან ბევრი ვიმსჯელეთ. აღვნიშნე, რომ საქართველოს აქვს სერიოზული პრობლემა ამ თვალსაზრისით, მაგრამ გვქონდა უფრო დიდი პრობლემები რამდენიმე წლის წინ ანუ ჩვენი ამოცანაა, რომ ვიაროთ წინ და არ ვედრებოდეთ წინა ხელისუფლებას,“ - განაცხადა უსუფაშვილმა.
შეგახსენებთ, რომ ამერიკის ვიცე პრეზიდენტის შეხვედრა ოპოზიციიის წარმომადგენლებთან დასრულდა.
