„ქვეყანაში ოლიგარქიული მმართველობის სისტემაა შექმნილი და საქართველოს კონსტიტუციაში ცვლილებები სწორედ ამ რეჟიმის შენარჩუნებისთვის ხორციელდება“, - ამის შესახებ „ნაციონალური მოძრაობის“ წევრმა სალომე სამადაშვილმა აშშ-ის ვიცე-პრეზიდენტ, მაიკ პენსთან, ოპოზიციური პარტიების წარმომადგენლების შეხვედრასთან დაკავშირებით განაცხადა.
სამადაშვილის თქმით, შეხვედრაზე საუბრის ერთ-ერთი თემა იქნება ქვეყანაში არსებული სიტუაცია:
„საუბარი იქნება იმაზე, რომ ოპოზიციურ, პროდასავლურ პოლიტიკურ ძალებს ისევე, როგორც დამოუკიდებელ მასმედიას, ხელისუფლება სერიოზულ პრობლემებს უქმნის, მათ შორის იქნება საუბარი პოლიტიკურ დევნილებზე, იმ ხალხზე, ვინც პოლიტიკური ნიშნით ჰყავს დღეს ხელისუფლებას. ოლიგარქიული მმართველები რეგიონში, ყოფილ საბჭოთა სივრცეში, ერთსა და იმავე ხერხებს მიმართავენ, რათა განდევნონ პოლიტიკური სივრციდან ოპოზიცია და ყველაზე გავლენიანი ოპოზიციური მოთამაშეები. მას შემდეგ, რაც განიდევნა მიხეილ სააკაშვილი საქართველოს პოლიტიკური სივრციდან და დღეს ვხედავთ, რომ იმავე ხერხებს მიმართავს უკრაინის ხელისუფლებაც,“ - განაცხადა სალომე სამადაშვილმა.