საქართველო ნამდვილად მეტს იმსახურებს, თუმცა საქართველოს ისტორიას ახსოვს ამაზე უარესი პრეზიდენტიც, ამასაც გავუძლებთ რამენაირად, - განაცხადა
„იმედის“ პირდაპირ ეთერში პარლამენტის თავმჯდომარე ირაკლი კობახიძემ. მისივე თქმით, პრეზიდენტის საპარლამენტო მდივანმა საქართველოს პარლამენტს, პარლამენტის თავმჯდომარეს და საპარლამენტო უმრავლესობას ძალიან მძიმე შეურაცხყოფა მიაყენა.
,,ამის შემდეგ ჩვენ მივეცით საქართველოს პრეზიდენტს სახის შენარჩუნების შანსი. ჩვენ მივეცით რეაგირების შანსი და შესაბამისად მივმართეთ საპარლამენტო უმრავლესობის სახელით. მას ჰქონდა შანსი, რომ შესაბამისი რეაგირება მიეცა ამ უმძიმესი შეურაცხყოფისთვის და ამაზე პასუხი იყო აბსოლუტურად გამაოგნებელი.
ამ უმძიმეს შეურაცხყოფას მან დამატებითი შეურაცხყოფა დაამატა და უკვე პირადად პრეზიდენტმა გამოიყენა ისეთი სიტყვები, როგორიცაა „კომკავშირელები“, „მედროვეები“ და ასე შემდეგ. ანუ საქართველოს ჰყავს პრეზიდენტი, რომელიც ასეთ რამეს ამბობს, რომ საპარლამენტო უმრავლესობის წევრები, ხალხის მიერ არჩეული დეპუტატები არიან თავხედები, უზრდელები, შარიკოვები, მედროვეები და კომკავშირლები. ჩვენ გვყავს ასეთი პრეზიდენტი. საქართველო ნამდვილად მეტს იმსახურებს, თუმცა საქართველოს ისტორიას ახსოვს ამაზე უარესი პრეზიდენტიც. ამასაც გავუძლებთ რამენაირად და ჩვენ საბოლოო ჯამში გვეყოლება ისეთი პრეზიდენტი, რომელიც იმოქმედებს მოქმედი კონსტიტუციის და ეთიკის სტანდარტების შესაბამისად“,- განაცხადა კობახიძემ.
პრეზიდენტის საპარლამენტო მდივანმა ანა დოლიძემ პარლამენტის თავმჯდომარეს უზრდელი და თანამდებობისთვის შეუფერებელი უწოდა.