საქართველოში ამერიკის შეერთებული შტატების ელჩის, იან კელის განცხადებით, მიხეილ სააკაშვილისთვის მოქალაქეობის ჩამორთმევის საკითხი უკრაინული მხარის გადასაწყვეტია.
როგორც მან ჟურნალისტებთან საუბრისას აღნიშნა, მსგავს საკითხებს საერთაშორისო ვალდებულებისა და საერთაშორისო სამართლებრივი სისტემის ჭრილში განიხილავენ.
შეგახსენებთ, რომ საქართველოს ყოფილ პრეზიდენტსა და ოდესის ოლქის ყოფილ გუბერნატორს, მიხეილ სააკაშვილს უკრაინის მოქალაქეობა გუშინ, პრეზიდენტ პოროშენკოს გადაწყვეტილებით ჩამოერთვა.
