უფრო სამწუხარო იქნება თუ ქართული მხარე ექსტრადირებას მოითხოვს, - ამის შესახებ "ევროპული საქართველოს" წარმომადგენელმა გივი თარგამაძემ ჟურნალისტებს მიხეილ სააკაშვილისთვის უკრაინის მოქალაქეობის ჩამორთმევასთან დაკავშირებით განუცხადა. .
მისი თქმით, სამწუხარო იქნება, თუ კი უკრაინა პოზიციას შეიცვლის სააკაშვილის ექსტრადირებაზე.
"ჩვენ უნდა ვისაუბროთ საქართველოს ხელისუფლების მოქმედებებზე, რომლებიც წლების განმავლობაში პოლიტიკური დევნის გამო აზიანებდა ქვეყნის იმიჯს. ეს დევნა გრძელდება და საქართველოს დღევანდელი ხელისუფლება კვლავაც უხეშად აზიანებს საქართველოს იმიჯს და ინტერესებს მსოფლიო მასშტაბით. უკრაინის ხელისუფლების გადაწყვეტილება ბუნებრივია არ იყო კანონმდებლობის ჩარჩოებშიც კი, მათ შორის საერთაშორისო კონვენციების და კანონმდებლობის ჩარჩოებში - აქედან გამომდინარე, სახეზე გვაქვს ორივე მხრიდან წმინდა წყლის პოლიტიკური დევნა", - განაცხდა გივი თარგამაძემ.
თარგამაძე იმედოვნებს, რომ სააკაშვილის საქართველოში ექსტრადირებამდე საქმე არ მივა.
"ჩვენ გვახსოვს, რომ უკრაინის პროკურატურას უკვე ნათქვამი აქვს თავის დროზე ექსტრადირებაზე უარი, თუ პოზიციას შეიცვლის, ეს კიდევ უფრო სამწუხარო იქნება და მით უფრო სამწუხარო იქნება თუ ექსტრადირებას მოითხოვს ქართული მხარე", - განაცხადა გივი თარგამაძემ.