პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, სოფო კილაძე მიხეილ სააკაშვილისთვის უკრაინის მოქალაქეობის ჩამორთმევის თაობაზე აცხადებს, რომ ყველაფერი ლოგიკური დასასრულისკენ მიდის და ქართული მხარე ყველაფერს გააკეთებს, რათა მიხეილ სააკაშვილი ქართული მართლმსაჯულების წინაშე წარსდგეს.
„მიხეილ სააკაშვილი არის, ვიტყოდი, გაკოტრებული პოლიტიკოსი, რომელსაც ხალხის მხარდაჭერა არ აქვს არც საქართველოში და როგორც ვხედავთ, არც უკრაინაში. ყველაფერი თავისი ლოგიკური დასასრულისკენ მიდის, როდესაც შეიქმნება შესაბამისი გარემოებები, აუცილებლად, ჩვენი სამართალდამცავი სტრუქტურები გაატარებენ ყველა იმ საჭირო და აუცილებელ პროცედურებს, რომლებიც კანონმდებლობით არის განსაზღვრული,“ - განაცხადა ,,რუსთავი 2“ - თან სოფიო კილაძემ.
მისი თქმით, მიხეილ სააკაშვილისთვის მოქალაქეობის ჩამორთმევის საკითხს პოლიტიკური დევნის ნიშნები არ გააჩნია.
