ოპოზიციური პარტიები საკონსტიტუციო ცვლილებებზე კონსენსუსის პირობას ასახელებენ. 20 ოპოზიციური პარტია, ხელისუფლებას ერთიან მიმართვას უგზავნის. ინტერპარტიულ ფორმატში პარტიები შეთანხმდნენ, რომ საკონსტიტუციო ცვლილებებთან დაკავშირებით კონსენსუსი მხოლოდ იმ შემთხვევაში შედგება, თუკი ხელისუფლება 2020 წლიდან პროპორციულ საარჩევნო სისტემაზე გადასვლის გადაწყვეტილებას მიიღებს.
"ჩვენ არ გვაინტერესებს, რაზე შეთანხმდნენ ირაკლი კობახიძე და კახა ოქრიაშვილი. თუკი ხელისუფლებას კონსენსუსი უნდა, 2020 წლიდან პროპორციულ საარჩევნო სისტემაზე უნდა გადავიდეთ, წინააღმდეგ შემთხვევაში ამ კონსტიტუციას ლეგიტიმაცია არ ექნება,"- განაცხადა "დემოკრატიული მოძრაობის" წევრმა გიორგი ახვლედიანმა.
ოპოზიციის პარტიების ამ წინაპირობით დიალოგის დაწყებაზე შეთავაზებას ხელისუფლებისგან ელოდებიან.
საკონსტიტუციო ცვლილებებთან დაკავშირებით დღეს ინტერპარტიული ჯგუფის შეხვედრა ”თბილისი მარიოტში” გაიმართა.
