საქართველოში ოფიციალური ვიზიტით მყოფი აღმოსავლეთ პარტნიორობის საგანგებო დავალებათა ელჩები ამ წუთებში ენგურის ხიდზე იმყოფებიან.
აღმოსავლეთ პარტნიორობის ელჩის ლიტვიდან იონას პასლაუსკასის განცხადებით, ელჩების ენგურის ხიდთან ევროკავშირის მხრიდან საქართველოს ტერიტორიული მთლიანობის მხარდაჭერის სადემონსტრაციოდ მივიდნენ.
მისივე თქმით, მნიშვნელოვანია საზოგადოებამ იცოდეს, რა ხდება იქ.
"მნიშვნელოვანია, რომ მსოფლიო საზოგადოებამ იცოდეს იმის შესახებ, თუ რა ხდება აქ და მიეწოდოს რეალური ინფორმაცია. ჩვენ მხარს ვუჭერთ ევროკავშირის სადამკვირვებლო მისიას, რომელიც უსაფრთხოებისა და სტაბილურობის შენარჩუნებაში დიდი როლს ასრულებს. სწორედ ევროკავშირის მისია იღებს ადგილზე არსებულ რეალურ ინფორმაციას. ჩვენც, ჩვენი მხრიდან მოვიპოვეთ ინფორმაცია, რომელსაც ევროკავშირის წევრ ქვეყნებს ბრიუსელში გადავცემთ, სადაც წყდება ყველაფერი და მიიღება გადაწყვეტილებები", - განაცხადა იონას პასლაუსკასმა.
