საგარეო საქმეთა მინისტრის მოადგილე დავით დონდუა დიპლომატიური კორპუსის წარმომადგენლებს ხვდება.
დონდუას განცხადებით, ისინი დეტალურად მიაწვდიან ინფორმაციას იმ ბოლო განვითარებულ მოვლენებზე, რომელსაც ადგილი ჰქონდა საქართველოს ოკუპირებულ ტერიროეიებზე და პირველ რიგში ეს ეხება მავთულხლართებსა და ხელოვნური ბარიერების გავლების საკითხს.
"გვინდა დეტალურად ვისაუბროთ იმ ბოლო განვითარებებზე, რომელსაც ადგილი აქვს საქართველოში ოკუპირებულ ტერიტორიებზე. პირველ რიგში ეს ეხება მავთულხლართებისა და ხელოვნური ბარიერების გავლებას, რაც კიდევ ერთხელ უფრო ართულებს როგორც ცხინვალის რეგიონში, ისე აფხაზეთში დარჩენილი ქართველი მოსახლეობის ისედაც მძიმე პირობებს. ასევე, ვისაუბრებთ ბოლო პერიოდში გახშირებულ დაკავებებზე. რუსეთის მიერ ოკუპირებულ ტერიტორიებზე გავლებულ მავთულხლართებსა და აფხაზეთში დაწყებულ დროებითი დოკუმენტების დარიგებებზე, რომელიც ქართულ მოსახლეობას საკუთარ მიწაწყალზე, როგორც უცხო ქვეყნის მოქალაქეებს ფაქტობრივად ისე გახდის და ამით კიდევ უფრო გაურთულებს ისედაც უუფლებო მდგომარეობას",-განაცხადა დონდუამ.
