ქვეყნის ინტერესების დასაცავად ზოგჯერ აუცილებლია რადიკალური ზომების მიღება., - ამის შესახებ საქართველოს მესამე პრეზიდენტმა, მიხეილ სააკაშვილმა "რუსთავი 2"-ის გადაცემა "არჩევანის" ეთერში რუსეთ-საქართველოს ურთიერთობაზე საუბრისას განაცხადა.
მისი თქმით, თავის დროზე ის პრეზიდენტ ბუშს აღიზიანებდა, ხმას უწევდა და უყვირა კიდეც, როდესაც რუსები საქართველოსკენ ტანკებით მოდიოდნენ.
საქართველოს პარტნიორებზე საუბრისას ყოფილმა პრეზიდენტმა აღნიშნა, რომ ხანდახან საჭიროა შეუტიო, შეახსენო, კარები აუტალახო ბოლომდე, თუ საჭიროა, ნამუსზეც უნდა ააგდო.
„ჩემი სამშობლო იყო სასიკვდილო საფრთხის ქვეშ და გაჭრა ამან. ხანდახან ესაც არის საჭირო. საჭიროა, შეუტიო, შეახსენო, კარები აუტალახო ბოლომდე, თუ საჭიროა, ნამუსზე ააგდო. ზუსტად ასეთი დამოკიდებულება მქონდა სარკოზისთან. სარკოზი მრავალი საათი მარწმუნებდა, რომ ხელი მომეწერა საქართველოს კაპიტულაციაზე და მე ვუთხარი, რომ არა!“, - განაცხადა მიხეილ სააკაშვილმა.