ქართველების 70% საქართველოს მიმართ ყველაზე არამეგობრულად განწყობილ ქვეყნად რუსეთს მიიჩნევს, - ამის შესახებ ინფორმაციას IPM-ი ავრცელებს.
"აი-პი-ემ" კვლევის მიხედვით, რომელიც საბჭოთა კავშირის ყოფილ ქვეყნებში (გარდა ბალტიისპირეთის ქვეყნებისა) ჩატარდა, ქართველები და უკრაინელები რუსეთს სხვებთან შედარებით ყველაზე მეტად კონფლიქტურ ქვეყნად აღიქვამენ. ქართველი რესპონდენტების 70%-მა, ხოლო უკრაინელების 73%-მა რუსეთი ერთმნიშვნელოვანად შეაფასა, როგორც მათ მიმართ ყველაზე არამეგობრულად განწყობილი ქვეყანა.
გამოკითხულთა 8% მიიჩნევს, რომ საქართველოს მიმართ არამეგობრულად განწყობილი ქვეყანა არ არსებობს. 4% კი ასეთ ქვეყნად სომხეთს ასახელებს.
ჩატარებული კვლევის ფარგლებში რესპონდენტებმა მათი ქვეყნების მიმართ არამეგობრულად განწყობილი, საფრთხისშემცველი ქვეყნები შეაფასეს. კვლევაში მონაწილეობა 1200-მა რესპონდენტმა მიიღო.
