უშიშროების საბჭოს მდივანი დავით რაქვიაშვილი კონფლიქტის ზონაში გაემგზავრა.
არსებული ინფორმაციით, დავით რაქვიაშვილი საოკუპაციო ზოლთან მდებარე სოფლებში ჩავა და იქ არსებულ მდგომარეობას შეისწავლის.
ოკუპირებული ცხინვალის მიერ დაანონსებული სადემარკაციო სამუშაოები ოკუპირებულ სოფელ იონჩასთან - ქარელის რაიონის სამ სოფელში - კნოლევი, ცერონისი და ავლევი საოკუპაციო რეჟიმმა ე.წ. საზღვარი ხნულის გავლებით მონიშნა.
საზოგადაოებრივი მაუწყებლის ინფორმაციით, ფაქტს ქარელის მუნიციპალიტეტის წარმომადგენელი ავლევში ნოდარ კოკილაშვილი ადასტურებს.
საოკუპაციო ზოლის ამ მონაკვეთზე ე.წ. მანიშნებელი ერთი წლის წინ დამონტაჟდა. ე.წ. ბანერებიდან დაახლოებით ას მეტრში რამდენიმე დღის წინ რუსმა სამხედროებმა სამუშაოები განაახლეს. ადგილობრივი მოსახლეობა აცხადებს, რომ საოკუპაციო ძალები ე.წ. საზღვრის მონიშვნის შემდეგ მავთულხლართების გაბმას დაიწყებენ.
