"ევროპული საქართველოს" თბილისის მერობის კანდიდატის, ელენე ხოშტარიას განცხადებით, ქალაქის მერია ამბობს, რომ ისინი თავს ვალდებულად არ თვლიან, მონაწილეობა მიიღონ მტკვრის დასუფთავებაში. ხოშტარიას თქმით, მას დაუკავშირდნენ მოხალისე მოქალაქეები, რომლებიც მზად არიან თავიანთი რესურსით დაასუფთავონ მდინარე.
ელენე ხოშტარიამ მერიას მიმართა, რომ თუ ისინი თავად არ იღებენ პასუხისმგებლობას, გამოყონ შესაბამისი აღჭურვილობა, რათა მან, მოხალისეებთან ერთად, თავად გაწმინდოს მდინარე.
"მივმართავთ მერიას, მოხალისეებისა და მოქალაქეების სახელით, მოგვეცით იმის საშუალება, რომ, თუ თქვენ არ გრძნობთ პასუხისმგებლობას, ჩვენ ვგრძნობთ ამას და ჩვენ დავასუფთავებთ მტკვარს", - აღნიშნა ხოშტარიამ.
