საქართველოს ეროვნული უშიშროების საბჭოს მდივანი დავით რაქვიაშვილი პარასკევს, 7 ივლისს, 15:30 საათზე, 6 ივლისს გავრცელებული განცხადების ხელმომწერი არასამთავრობო ორგანიზაციების წარმომადგენლებს შეხვდება.
განხილვის მთავარი თემა ქვეყნის უსაფრთხოების მთავარი გამოწვევა - ე.წ. ბორდერიზაციის, მცოცავი ოკუპაციისა და საქართველოს ტერიტორიის დე-ფაქტო ანექსიის პროცესი იქნება.
უშიშროების საბჭოს მდივანი უსაფრთხოების სპეციალისტებთან და არასამთავრობო სექტორის წარმომადგენლებთან ერთად იმსჯელებს ქვეყნის ანტი-ანექსიური სტრატეგიის შემუშავებასთან დაკავშირებულ პრაქტიკულ საკითხებზე.
