რომ არ ვიყო დარწმუნებული საკუთარ გამარჯვებასა და შესაძლებლობებში, გასართობად ჩემ კანდიდატურას არ დავაყენებდი, - ამის შესახებ თბილისის მერობის კანდიდატმა ალეკო ელისაშვილმა განაცხადა.
ელისაშვილი "ქართული ოცნების" წევრების განცხადებას გამოეხმაურა, რომ დედაქალაქის მერის არჩევნებში კალაძე უალტერნატივო კანდიდატია და აღნიშნა, რომ უალტერნატივო ღმერთია.
"უალტერნატივო პირადად ჩემთვის არის ღმერთი. კახა კალაძეს კი არა, ყველას ჰყავს ალტერნატივა. ოქტომბერში გამოჩნდება ყველაფერი. თუმცა, რომ არ ვიყო დარწმუნებული საკუთარ გამარჯვებასა და შესაძლებლობებში, გასართობად ჩემ კანდიდატურას არ დავაყენებდი. სამშაბათიდან მე დავიწყებ ბროლას გამარჯვებისთვის",- განაცხადა ალეკო ელისაშვილმა.
