ჩვენ ოკუპანტების მოქმედებებს იმ საზღვრებში ვხედავთ, რომელიც თავის დროზე, წინა ხელისუფლებამ რუსეთს „გაუპრავა“, - ამის შესახებ ფრაქცია „ქართული ოცნების“ ხელმძღვანელმა მამუკა მდინარაძემ ჟურნალისტებს განუცხადა.
მისი თქმით, მცოცავ ოკუპაციაზე უშიშროების სხდომის მოწვევის თაობაზე დაყენებული მოთხოვნა პოლიტიკური მანიპულაციაა.
„უშიშროების საბჭო ის ადგილი არ არის, სადაც მსგავს საკითხებს განიხილავენ. ეს მხოლოდ და მხოლოდ პოლიტიკური მანიპულაციაა. როგორც ჩემთვის ცნობილია, იქ ახალი ბანერები არ არის დამონტაჟებული. სამწუხაროდ, იგივე საზღვრებში ასეთი ბანერები იყო და დღეს საერთაშორისო თანამეგობრობასთან მუშაობა ისე აქტიურად არის გაჩაღებული, რომ მსგავსი არასოდეს ყოფილა. დარწმუნებით შემიძლია ვთქვა, რომ საქართველო ყველაფერს აკეთებს, რომ მსგავს ფაქტებს არ შეეგუოს. აქედან გამომდინარე, ჩვენს საერთაშორისო პარტნიორებთან მუშაობას გავაგრძელებთ და მაქსიმალურად შევუწყობთ ხელს იმას, რომ საქართველო ოკუპაციის არანაირ ფორმას არ შეეგუოს. ეს არის ჩვენი ოკუპანტის დღის წესრიგი, რომელსაც საერთაშორისო ყველა მექანიზმი უნდა დავუპირისპიროთ. ჩვენ ოკუპანტების მოქმედებებს იმ საზღვრებში ვხედავთ, რომელიც თავის დროზე, წინა ხელისუფლებამ რუსეთს „გაუპრავა“, - განაცხადა მამუკა მდინარაძემ.
