მჯერა, რომ თავისუფლების და დემოკრატიის საერთო ღირებულებებია ის, რაც ქმნის ჩვენს ხანგრძლივ, ორმხრივ ურთიერთობებს ამერიკის შეერთებულ შტატებთან და მტკიცე საძირკველს, რომელიც ამ ურთიერთობებს გააჩნია, - ამის შესახებ საქართველოს პრემიერ-მინისტრმა გიორგი კვირიკაშვილმა ამერიკის შეერთებული შტატების დამოუკიდებლობის დღისადმი მიძღვნილ საღამოზე განაცხადა.
მისივე თქმით, აშშ-ის მხარდაჭერის დემონსტირებაა ვიცე-პრეზიდენტის მაიკ პენსის ვიზიტი საქართველოში.
„ამ მხარდაჭერის დემონსტირება გახლავთ აშშ-ს ვიცე-პრეზიდენტის მაიკ პენსის ვიზიტი საქართველოში, ახალი ადმინისტრაციის მოსვლიდან ასეთ მოკლე პერიოდში, რომელსაც მოუთმენლად ველოდებით. მინდა გავიხსენო ის ძალიან დიდი ბედნიერება, რომელიც წილად მხვდა 1997 -1998 წლებში, როდესაც მე გახლდით ედმუნდ მასკის სტიპენდიის მფლობელი და მქონდა ბედნიერება მესწავლა ამერიკის ერთ-ერთ საუკეთესო უნივერისტეტში, ილინოის უნივერსიტეტში. ასობით საქართველოს მოქალაქეს, ახალგაზრდას ჰქონდა საშუალება ამერიკის საგანმანათლებლო გაცვლით პროგრამაში მიეღო მონაწილეობა", - განაცხადა გიორგი კვირიკაშვილმა.
