საარჩევნო კოდექსში ცვლილებები არ არის ის საკითხები, რომელმაც შესაძლოა პინაზე რაიმე გადაწონოს, - ამის შესახე საქართველოს პრეზიდენტის პოლიტიკურმა მდივანმა ფიქრია ჩიხრაძემ განაცხადა.
მისი თქმით, საარჩევნო კოდექსში როგორი პოზიტიური ცვლილებებიც არ უნდა შევიდეს, ეს პინაზე ვერ გადაწონის საკონსტიტუციო საკითხებს.
ფიქრია ჩიხრაძე მიიჩნევს, რომ საკონსტიტუციო პროექტის განხილვები უნდა შეჩერდეს და დიალოგი უნდა განახლდეს. მისივე თქმით, არსებული პროექტი ძალიან დაბალი ლეგიტიმაციის მქონეა.
"დღევანდელი შეხვედრა ემსახურება მცდელობას, რომ კიდევ ერთხელ დაფიქსირდეს თუ რა მიმართულებით არის შესაძლებელი გადაიდგას ნაბიჯები კონსენსუსისკენ. ის რაც აქამდე პროდუქტი მივიღეთ აბსოლუტურად დაცლილია კონსენსუსისგან და ძალიან დაბალი ლეგიტიმაციის მქონეა, ამაზე მგონი აღარავინ დაობს განსაკუთრებით საერთაშორისო შეფასებების შემდეგ. ამიტომ ძალიან მნიშვნელოვანია, რომ თუ ჩვენ გვინდა ამ პროცესს ჰქონდეს მაღალი ლეგიტიმაცია, თუ ჩვენ გვინდა პროცესი იყოს კონსენსუსის შედეგზე დამყარებული, უნდა გაჩერდეს ის, რაც აქამდე იყო და უნდა დაიწყოს დიალოგის ახალი ფორმატი, რომელიც ადეკვატურად უპასუხებს იმ მოთხოვნებს, რომელიც არის როგორც ქართული საზოგადოების, ისე საერთაშორისო საზოგადოების მხრიდან",- განაცხადა ჩიხრაძემ.
